Haqqımızda

"AZEN Co." şirkəti 1998-ci ildə təsis edilmişdir. Öz fəaliyyətini rolletlərin qurmasından başlayaraq, sonralar bu şirkət Azərbaycana qaraj və sənaye qapılarının təchizinə və giriş sisteminin avtomatlaşdırılmasına keçmişdir. 2000-ci ildən etibarən biz bu sahədə Hörmann VKG (Almaniya) konserninin rəsmi partnyoruyuq. Hörmann qaraj və sənaye qapılarının, motorların, müxtəlif təyinatlı qapı çərçivələrinin və qapıların və eləcə də yükləmə texnikasının Avropada ən böyük istehsalçısı və təchiz edənidir. Korporativ fəlsəfənin əsası innovasiyalar şüarı altında illər boyu əldə edilmiş təcrübə, zəmanətli keyfiyyət və sifarişçilərin tələbatlarına istiqamət götürmədir. Banisi cənab August Hörmann olan Hörmann konsernini hazırda nəvəsi cənab Thomas J. Hörmann və nəticələri cənab Martin J. Hörmann və cənab Christof J. Hörmann idarə edirlər, yəni üçüncü və dördüncü nəsillər.

Uzun illər ərzində Hörmann şirkəti ilə əməkdaşlıq bizə bu sahədə cox böyük təcrübə toplama imkanı vermişdır və biz də mürəkkəbliyindən asılı olmayaraq hər bir layihənin həyata keçirilməsində bu təcrübədən müvəffəqiyyətlə istifadə edirik. Hörmannın yüksək keyfiyyət standartları sayı ildən ilə coxalan müştərilər tərəfindən haqlı olaraq tanınmışdır.

İnnovativ məhsullar

Hörmann müəssisəsinin tarixi ötən əsrin 50-ci illərində yeni tipli “Berry” qaldırılan-döndərilən qaraj qapılarının istehsalından hesablanır. Şaquli açılan yerə qənaətli seksiyalı qaraj, eləcə də sənaye qapılarının layihələndirilməsi və istehsalı 60-cı illərdə gələcək inkişafının təməlini qoymuşdur. Məhsulların çeşidi daim artmaqdadır. Bu gün bu çeşidə, klassika adlandıra biləcəyimiz adıçəkilən qapılarla birgə seksiyalı qaraj, sənaye, seksiyalı sənaye, rulonlu, yığılan, odadavamlı, sürətli, giriş və daxili qapılar, qapı motorları, idarəetmə blokları, eləcə də yükləmə texnikası sistemləri, oda və tüstüyə davamlı arakəsmələr, günlüklər və çərçivələr daxildir.

Beynəlxalq inkişaf

Hörmann şirkəti Avropanın aparıcı qapı istehsalçısıdır. Şirkətinin təsis edildiyi 1935-ci ildən bu günədək 15 milyon qapı istehsal olunub. Onun, Avropa, Asiya və Şimalı Amerikada yerləşən 26 ixtisaslaşmış zavodunda 6000-dən çox əməkdaşı özəl və sənaye sektorlarında istifadə olunacaq yüksək keyfiyyətli qapılar, çərçivələr və motorlar istehsal edir. Beynəlxalq Hörmann şirkətinin baş ofisi Ştaynxaqen şəhərciyində yerləşir. Nəhayət ki, ailə müəssisəsi öz illik dövriyyəsini 1 milyard avroya çatdırdı. Dünyanın 30-dan çox ölkəsində 80-dən çox nümayəndəliyin, eləcə də 35 ölkəsində yüzlərlə distributorun fəaliyyət göstərməsi, şirkətin öz müştərilərinə yaxın olmasını təmin edir.

Sosial və mədəni layihələr

Öz üzərinə sosial öhdəliklər götürmüş Hörmann şirkəti, xroniki xəstə və məhdud imkanlı insanlara yardım edən ictimai təşkilat və fondlara ənənəvi olaraq öz maliyyə dəstəyini göstərir.

Hörmann şirkətinin dəstəklədiyi əvvəlki və indiki layihələrlə siz, alman və ingilis dillərində www.AmHerzen.de internet saytında tanış ola bilərsiniz.